يعني معقول من سنة ١٩٦٣ لما أتعمل فيلم ام العروسة لغاية دالوقت مفيش حد قال ستووووووب يا جماعة ايه اللي احنا بنعمله دا! 😆
مفيش حد قال حرااااام أبو العروسة يسرق و يصرف اللي وراه و اللي قدّامه عشان يجهز بنته؟
مفيش حد قال لأم العروسة تنفض لكلام الناس و بلاش افورة في الطلبات و المصاريف؟
مفيش حد قال لأم العريس تتلم و تبطل أنزحة؟
مفيش حد قال تعليم البنت و شغلها اهم من جوازها؟
حرام والله بقينا في ٢٠١8 و لسه الجواز عبارة عن معركة حربية قايمة على المظاهر الكدابة و المصاريف الكتير اللي مالهاش لازمة و البنات تبقا مكملتش ١٦ سنة و عينها عالجواز و تتنافس هى و صحباتها مين هتتخطب الاول😕
و كل همها تلاقي عريس يجيبلها شقة جنب مامتها!
دا غير الاف الغارمات المسجونات عشان يجهزو بناتهم!
محتاجين وقفات قوية ضد العادات و التقاليد البالية😓